د اوبو د مدیریت او سپما په اړه د عامه پوهاوي پروګرام ترسره شو
یاد پروګرام د اوبو او انرژي وزارت د جومات د ملا ښاغلي مولوي هارون له لخوا د قرآنکریم د آیاتونو په تلاوت سره پیل شو.
د یادې غونډې په دوام کې د کابل منځنۍ سیندیزې فرعي حوزي رئیس ښاغلي مولوي ولي محمد تائب د اسلام په مقدس دین کې د اوبو د ارزښت او سپما په اړه خبرې وکړي او ټینګار یې وکړ چې د اوبو له اسراف څخه ډډه وکړې.
همدارنګه، په دې پروګرام کې د هایدرولوژیکي شبکو د ساتنې او پراختیا آمر ښاغلي انجنیرعبدالعلیم مخبت د یوه پرزنټیشن په ترڅ کې د ځمکې لاندې اوبو د وضعیت او د اوبو د سپما د لارو چارو په اړه د اړتیا وړ معلومات وړاندې کړل.
په ورته وخت کې ، د کابل منځنۍ سیندیزې فرعي حوزې د دعوت او ارشاد مسئول ښاغلي مولوي شمس الرحمن جواد د اسلام په مقدس دین کې د اوبو د سمې ګټې اخیستنې او د اسراف څخه د مخنیوي په اړه خبرې وکړي او د اوبو سپما یې یو دیني او انساني دنده وباله.
د یادولو وړ ده، چې یاد پروګرام د اوبو سرچینو د وضعیت، مدیریت او سپما په اړه د عامه پوهاوي په موخه په لاره اچول شوی دی او درې ورځې به دوام ولري.
