د اوبو معینیت اونیزه تخنیکي ناسته ترسره شوه
یاده ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشرې لاندې د اوبو سکتور د رئيسانو، سلاکارانو او تخنیکي مسؤلینو په ګډون د اوبو معینیت د غونډو په تالار کې ترسره شوه.
په دې ناسته کې د بېلابېلو موضوعاتو په ځانګړې توګه د کابل ولایت په چهار آسیاب ولسوالي کې له سطحي اوبو څخه د اغېزمنې ګټې اخیستنې او د ځمکې لاندې اوبو د تغذیې لپاره د خینګوټ کانال د طرحې، د اوبو د تحقیقاتي آمریت له لوري د اوبو رسولو شرکتونو د اوبو د کیفیت د کنټرولولو او په هلمند ولایت کې د نهر سراج پروژې د لومړي او دوهم لاټ راپورونو د څېړلو په هکله بحث او د اندونو تبادله وشوه او اړین تصمیمونه ونیول شول.
د اوبو ښاغلي معین د نوموړو موضوعاتو د غوره ترسره کولو په موخه اړوندو مسؤلینو ته اړین هدایات ورکړل.
