د اوبو په معینیت کې د سترو پروژو د مدیریت دوهمه ناسته ترسره شوه
یاده ناسته د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده تر مشري لاندې د اوبو سکتور د رئيسانو او د سترو پروژو د مدیرانو په شتون کې ترسره شوه.
په یاده ناسته کې د سترو پروژو د اسنادو د څېړنې، د پروژو د تخنیکي اسنادو د لاسلیک لپاره د کره میکانیزم په چمتوکولو، د سترو پروژو د غوره مدیریت په موخه د اسنادو د تائید او د مدیرانو د دندو د جلا کولو په موخه د مناسبو حل لارو په هکله باندې بحث او د نظر تبادله وشوه.
د اوبو ښاغلي معین اړونده تخنیکي مسؤلینو ته لازم هدایات ورکړل ، د رئيسانو او د پروژو له مدیرانو څخه و غوښتل چې د اسنادو د تائید، مهر او لاسلیک په برخه کې مشخص میکانیزم تر لاس لاندې ونیسي، ترڅو په راتلونکي کې د اسنادو څېړلو د ستونزو د هوارولو لامل شي. هغه همدارنګه د هرې څانګې لپاره د دندو د مشخصو لایحو په چمتوکولو او د پروژو د مدیرانو د دندو پر جلا کولو باندې ټینګار وکړ.
