د بغلان ولایت مخورو خپلې ستونزې د اوبو او انرژي له سرپرست وزیر سره شریکې کړې
د اوبو او انرژي سرپرست وزیر محترم الحاج ملا عبداللطیف منصور په داسي کال کې چې لهٔ دشت الوان څخه د کابل تر ارغندۍ پورې د ۵۰۰ کیلو ولټ برېښنا مزي د غځولو پروژې د پرانیستلو په موخه بغلان ولایت ته سفر کړی دی، د میدان وردګ ولایت له والي محترم قاري بختیار معاذ او د بغلان ولایت له یو شمیر مخورو سره وکتل او د نوموړې پروژې د ارزښت او د اوبو او انرژي په برخه کې د بغلان خلکو د نورو ستونزو په هکله خبرې وکړې.
په دغه کتنه کې د اوبو او انرژي سرپرست وزیر د انرژي د پراختیا په برخه کې د نوموړي مزي د غځولو پروژې پرانیسته یو مثبت ګام وباله او همدارنګه یې ، د بغلان ولایت مخورو ته ډاډ ورکړ، چې د شته امکاناتو په پام کې نیولو سره به ددوی ستونزو ته رسیدګي وشي.
د یادونې وړ ده، چې د دشت الوان سب استیشن څخه د کابل تر ارغندۍ پورې د ۵۰۰ کیلو ولټ برېښنا مزي د غځولو پروژه به نن د اسلامي امارت د لوړپوړو مسئولینو په شتون کې پرانیستل شي.
