د ترینکوټ سیندیزې فرعي حوزې او د ارزګان ولایت د لوړو زده کړو مؤسسې د کرهنې پوهنځي ترمنځ د ګډو همکاريو رامنځته کولو په موخه ناسته ترسره شوه
یاده ناسته د ترینکوټ سیندیزې فرعي حوزې رئیس الحاج مولوي وکیل احمد نقي، د ارزګان د لوړو زده کړو مؤسسې مالي او اداري مرستیال مولوي رحمت الله ریحان، د کرهنې پوهنځي رئیس پوهنیار احمدالله احمدي او د ترینکوټ سیندیزې فرعي حوزې او د کرهنې پوهنځي د یو شمیر نورو مسئولینو او محصلینو په ګډون ترسره شوه.
په دې ناسته کې د دواړو لورو ترمنځ د ګډو همکاریو رامنځته کولو او د ارزګان د لوړو زده کړو مؤسسې د کرهنې پوهنځي محصلینو ته د عملي او ساحوي زده کړو د زمینې چمتو کولو په هکله بحث او د اندونو تبادله وشوه.
