د جوزجان ولایت قوشتیپې او درزاب ولسوالیو ته د برېښنا رسولو سروې ترسره شوه
د عالیقدر امیرالمؤمنین حفظه الله د فرمان پر بنسټ، د جوزجان ولایت قوشتیپې او درزاب ولسوالیو ته د اوبو او انرژي، کانونو او پترولیم، صنعت او سوداګرۍ، کرنې، اوبو لګولو او مالدارۍ وزارتونو او د افغانستان برېښنا شرکت ګډ پلاوي یادو ولسوالیو ته سفر وکړ او د برېښنا رسولو په موخه یې د نوموړو ساحو سروې ترسره کړه.
یاد ګډ ټیم د نوموړو ساحو سروې ترسره کړه، چې ددې ګډ پلاوي د سروې پایلې او د سفر ګزارش به د افغانستان اسلامي امارت د اقتصادي کمیسیون سره شریک شي؛ ترڅو یادو ولسوالیو ته د برېښنا چمتو کول د عالیقدر امیرالمؤمنین حفظه الله د فرمان او د انرژي سکتور د پنځه کلن پلان پر بنسټ، د اوبو او انرژي وزارت په کاري لومړیتوبونو کې ورته ځای ورکړل شي.
