د حوزوي او ولایتي څه د باندې ۶۰ تنه کارمندانو ته د تدارکاتي چارو په برخه کې د وړتیا لوړونې برنامه جوړه شوه
د تدارکاتي چارو په برخه کې د وړتیا لوړونې دوه ورځنۍ ښوونیزه برنامه، د اوبو او انرژي وزارت د کارکوونکو چارو ریاست له لوري د تدارکاتو ریاست په همکاري سره نن، یکشنبه، د ۱۴۰۴ هـ ل کال د لیندۍ میاشتې په ۲ نېټه د دغه وزارت د غونډو په عمومي تالار کې پيل شوه.
د برنامې په پیل کې، د اوبو او انرژي وزارت د تدارکاتو رئيس محترم مولوي عزیز الله سهار د دغې برنامې دائرول په تدارکاتي چارو کې د کارمندانو د مسلکي پوهې لوړول، د فعالیتونو غوره سمون او د برنامو د اغېزمنې پلي کولو لپاره د وړتیاوو پیاوړتیا وبلل. هغه کارمندان اخلاص، د اداري اصولو مراعاتولو او د چارو په پرمخ وړلو کې اهتمام ته وهڅول او د تدارکاتو بهیر د چټکتیا او رونټیا په برخه کې د هغوی د رول په ارزښت باندې ټینګار وکړ.
د یادونې وړده، چې په دغه ښوونیزه برنامه کې د دوو ورځو په بهیر کې د تدارکاتي چارو په بېلابېلو برخو لکه د اړتیاوو ترتیبول، د تدارکاتي پلان ترتیبول، د تدارکاتو بېلابېل پړاوونه، د تدارکاتو آسانتیاوو، کړنلارو، قوانینو او نورو اړوندو موارد په هکله اړین معلومات له ګډونوالو سره شریک کېږي، ترڅو وکولای شي په حوزوي او ولایتي سیمو کې له دغو ښوونو څخه د اداري فعالیتونو او پروژو د اغېزمن پلي کولو په برخه کې ورڅخه ګټه پورته کړي.
