د خاتم الانبیاء دارالایتام د جامع جومات د بنسټ ډبره کېښودل شوه
. نن د افغانستان د اسلامي امارت اقتصادي مرستیال محترم الحاج ملا عبدالغني برادر اخوند په داسې حال کې چې د اوبو او انرژي وزارت سرپرست وزیر محترم الحاج ملا عبداللطيف منصور یې ملتيا کوله د پکتيا ولایت د زرمت ولسوالي
خاتم الانبیاء دارالایتام د جامع جومات د بنسټ ډبره کېښودله. دغه جومات به له ټولو ملحقاتو سره په پاخه او اساسي ډول جوړیږي چې ټول لګښت يې نژدې پنځه سوه زره ډالر اټکل شوی دی .یاده دې وي چې د نوموړی دارالایتام د اوبو او انرژي د سرپرست وزیر محترم الحاج ملا عبداللطیف منصور په شخصي هڅو سره ودان شوی دی چې دا مهال پکې سل ګونه یتیمان په دیني او عصري زده کړو بوخت دي. د یاد دارالایتام مهتمم او استادان له عامو مسلمانانو څخه غوښتنه کوي چې د یاد جومات په جوړولو کې خپلې مرستې ونه سپموي.
