د خوراکي خونديتوب تر نامه لاندې پروګرام لپاره په مرکز ګردېز کې د يو لړ پروژو لومړنۍ تخنیکي سروې ترسره شوه.
د خوراک او کرهڼې (FAO) نړېوالې مؤسسې تخنیکي ډلې او د پکتيا سينديزې فرعي حوزې رياست تخنیکي غړيو په ګډه همکارۍ د خوراکي خونديتوب پروګرام لپاره د مرکز ګردېز اړوند بېلابېلو سیمو کې لومړنۍ تخنیکي سروې ترسره کړه.
د دې سروې په پايله کې د کوز شيخانو واټرشيډ ساحه، د کوز دينار خيلو کارېز او واټرشيډ ساحه، د رباط کلي د جاني جار کارېز، د چوڼۍ کلي په سیمه کې استنادي دیوال، د زاهو د حوض، سربند او کانال ترميم، د غوريزې د واټرشيډ ساحه او د زاهو په سیمه کې د تنګي کارېز لومړنۍ او تخنیکي سروې ترسره شوې.
د پورته سروې شويو پروژو د پاتې پړاوونو له بشپړولو وروسته به يې رغنيزې چارې په عملي توګه پیل شي.
څرنګه، چې ددې پروګرام موخه؛ بشري خوراکي خونديتوب دى، نو د پروژو رغنيزې چارې به د بشري ځواک پر مټ پر مخ وړل کیږي.
