د خوست ولایت کې د ولایتي انرژي کمېټې د همغږۍ ناسته ترسره شوه
دغه ناسته د خوست ولایت د اوبو او انرژي رئيس محترم مولوي عبدالقیوم ثابت تر مشري لاندې د اړوندو ادارو د استازو په شتون کې ترسره شوه.
په دغه ناسته کې ښاغلي ثابت په اوسني وخت کې د انرژي د ارزښت په هکله خبرې وکړې او ټینګار یې وکړ، چې په راتلونکي کال کې باید د انرژي د تولید په برخه کې لا زیات کار وشي، تر څو په دې برخه کې ځان بسیاینې ته ورسیږو.
په ورته مهال، د ولایتي انرژي کمېټې د برېښنا یوه غړي د انرژي په برخه کې د موسساتو او ملي سوداګرو د جلبولو په هکله مفصلې خبرې وکړې او له ګډونوالو سره یې اړین معلومات شریک کړل.
