د زرمت ولسوالۍ د سيلاب او وچکالۍ تر زيان لاندې ساحو لومړنۍ تخنیکي سروې ترسره شوه.

د پکتيا سينديزې فرعي حوزې رياست تخنیکي ډلې له لوري زرمت ولسوالۍ ته د درې ورځني کاري سفر په ترڅ کې د سيلاب او وچکالۍ تر زيان لاندې ساحو لومړنۍ سروې بشپړ شوه.

دغه سروې، چې په راتلونکي کې د سيلاب او وچکالۍ د ګواښونو د کابو کولو په موخه په پام کې نيول شوې ده؛ له ډلې يې د يادې ولسوالۍ په بېلابېلو سيمو کې د 10 عدده چکډمونو لومړنۍ سروې ترسره شوه.

همدارنګه نوموړې تخنیکي ډلې '' د اوبو د سکتور د پروژو د بهبود له لارې د بيړنيو بشري مرستو رسولو'' تر سرليک لاندې پروګرام لپاره د يادې ولسوالۍ د 7 عدده د اوبو حوضونو، 3 عدده د اوبو چېنې او 4 عدده کارېزونو ابتدايي سروې هم ترسره کړه.

ياده دې وي، چې د ولايت اړوندو ټولو سيمو کې د يادې سروې له بشپړېدو وروسته به ترلاسه شوې تخنيكي ډيټا د نورو کړنو په موخه مرکز ته وليږدول شي.