د سلما بند د اوبو د اغیزمن مدیریت او عادلانه وېش په اړه د اړوندو مسؤلینو د ستاینې مراسم ترسره شول
د ۱۴۰۱ لمریز کال په پسرلي کې د سلما بند د اوبو د اغیزمن مدیریت او عادلانه وېش په اړه د اړوندو مسؤلینو د ستاینې مراسم د هرات والي ښاغلي مولانا نوراحمد اسلام جار، د هریرود- مرغاب سیندیزې فرعي حوزې رئيس ښاغلي مولوي سردار ولي مزمل، د هریرود-مرغاب عمومي سیندیزې حوزې رئيس ښاغلي مولوي عبدالسلام مستوفي آغا، د هرات د ولسوالیو د استازو، د هرات ولایت د اوبو ګټه اخیستونکو د ټولنې رئيسانو او د علما کرامو په ګډون ترسره شو.
په دغه ناسته کې، د اوبو د ارزښت، د اوبو څخه اغیزمنه استفاده، د اوبو د ضایعاتو څخه مخنیوی، د ځمکې لاندې اوبو څخه ساتنه، د سلما بند په مسیر کې د ولسوالیو همکاري او د اوبو ګټه اخیستونکو د اړوندو ادارو سره خبرې وشوې.
د دې پروګرام په پای کې، د هرات له والي ښاغلي مولانا نوراحمد اسلام جار، د هریرود-مرغاب سیندیزې فرعي حوزې رئيس ښاغلي مولوي سردار ولي مزمل، د هریرود- مرغاب عمومي سیندیزې حوزې رئيس ښاغلي مولوي عبدالسلام مستوفي آغا او د لاندني هریرود سیندیزې فرعي حوزې د اوبو د تنظیم آمر ښاغلي انجنیر جلیل احمد محمدي څخه ستاینه وشوه.
