د شمال او پنج آمو سیندیزو عمومي حوزو د انجنیرانو لپاره د ظرفیت لوړونې څلور ورځنی ورکشاپ پای ته ورسید
د شمال او پنج آمو سیندیزو عمومي حوزو د پنځلس(15) انجنیرانو لپاره د اوبو پر سرچینو باندې د اقلیمي بدلونونو د اغیزو د ارزولو او د سیلابونو او وچکالیو د وړاندوینې او خبراوی ورکولو په برخه کې د ظرفیت لوړونې څلور ورځنی ورکشاپ، چې د شمال په سیندیزې عمومي حوزه کې پیل شوی وو، نن پای ته ورسید.
د شمال سیندیزې حوزې عمومي رئيس انجینر رفیع الله مجتبی له ټولو انجنیرانو څخه وغوښتل، چې خپلې تجربې له خپلو نورو همکارانو سره شریکې کړې او خپلې وظیفوي چارې دې په سمه توګه ترسره کړي.
د یادونې وړ ده، چې ددغه ورکشاپ په پای کې ټولو ګډونوالو ته تصدیق پاڼې ورکړل شوې.
