د شمال سیندیزې حوزې عمومي رئیس ښاغلي مولوي عبدالحکیم حاجي حکمت او ورسره مل پلاوي د قوشتپې کانال د کاري سيمي څخه لیدنه وکړه.
دغه کانال د بلخ ولایت په کلدار ولسوالي کې موقعیت لري او د هیواد په کچه لومړنۍ لوی کانال شمېرل کیږې چې ۵۵۰۰۰۰ هکتاره ځمکې خړوبوي.
نوموړی کانال په دریو فازونو ویشل شوی، لومړۍ فاز یې چې مجموعا ١٠٨ کیلو متره اوږدوالی لری، چې لدې ډلې څخه تر اوسه پورې ٤٢ کیلو متره باندې کار جریان لري، او د کلدار ولسوالی د جغ جغ کلي څخه تر دولت آباد ولسوالي پورې رسیږي، دوهم فاز یې له دولت آباد ولسوالي څخه پیل تر آقچې ولسوالي پورې رسیږي او دریم فاز یې له آقچې ولسوالي څخه پیل تر اندخوی ولسوالي پورې رسیږي.
د نوموړي کانال د جوړیدو څخه موخه د بلخ، جوزجان او فاریاب ولایتونو د کرنیزو ځمکو او دښتو خړوبول دي.
