د غور ولایت لعل او سرجنګل ولسوالي د تمبر ممبرټو کلي د کوچني ذخیروي بند (چکډم) د جوړولو پروژه د انرژۍ او اوبو وزارت د انکشافي بودجې په ۳،۰۰۰،۴۵۰ دری میلیونه څلور سوه پنځوس افغانیو لګښت بشپړه او ګټې اخیستنې ته وسپارل شوه.
د پروژې د ګټي سپارلو په مراسمو کې د ولایت مقام استازي، اړوند دولتي ادارو، تخنیکي ټیمونو، د سیمې مشرانو او مستفیدینو ګډون کړی و.
ویناوالو د پروژې د اقتصادي او ټولنیز ارزښت تر څنګ د اوبو د سم مدیریت په برخه کې د دې چکډم مهمه ونډه وستایله. د سیمې اوسېدونکو او مسؤلینو د پروژې له پلي کوونکو ادارو مننه وکړه او ډاډ یې ورکړ چې د بند د ساتنې او معقولې استفادې لپاره به لازمې هڅې کوي. یاد چکډم د ۸۹۱۲ متر مکعب اوبو د ذخیرې وړتیا لري او نږدې ۶۵۰ کورنۍ ترې په مستقیمه توګه ګټه اخلي.
