د ملي پراختیا شرکت له مسؤلینو سره د زابل ولایت د توري بند پروژې په هکله تخنیکي ناسته ترسره شوه
یاده ناسته چې د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده په شتون کې ترسره شوه د اوبو او انرژي وزارت او ملي پراختیا شرکت تخنیکي مسؤلینو په زابل ولایت کې د توري بند پروژې د پلي کیدو په هکله بحث او د نظر تبادله وکړه.
د غونډې په دوام کې، د دواړو لورو تخنیکي مسؤلینو د کاري ژمنتیا، د پروژې د کار پر چټکتیا او د چارو پرمخ وړلو لپاره پر لا زیاتې همغږي باندې ټینګار وکړ.
همدارنګه د اوبو او انرژي وزارت او ملي پراختیا شرکت تخنیکي مسؤلینو په دې ناسته کې هوکړه وکړه، چې ډېر ژر په ګډه یو تخنیکي ټيم دې ساحه له نږدې څخه وڅېړي او خپل راپور دې د یوه پرزنتیشن په ترڅ کې وړاندې کړي.
