د ننګرهار ولایت په جلال آباد ښار کې د برېښنا رسولو خدمتونو د وړاندې کولو په موخه دوو شرکتونو ته د برېښنا د تولید او وېش جوازونه ورکړل شول

mew-admin
دوشنبه ۱۴۰۱/۱۱/۳ - ۱۶:۲۷
1

د اوبو او انرژي وزارت د برېښنا د مارکیټ حقوقي رئيس ښاغلي مولوي نورالله حکمت د ننګرهار ولایت په جلال آباد ښار کې د برېښنا رسولو د تولید او وېش څلور جوازونه د قانوني پړاوونو تر وروستي کولو وروسته د اجمل عرب او رڼا اتفاق شرکتونو ته ورکړل.

د یادو جوازونو په اخیستلو سره د رڼا اتفاق شرکت د ۵۰۰۰ کیلو واټه برېښنا د تولید او وېش او د اجمل عرب شرکت د ۴۲۰ کیلو واټه برېښنا د تولید او وېش اجازه لري.

د یادو شرکتونو له لارې د برېښنا رسولو خدمتونو په وړاندې کولو سره به د جلال آباد ښار ګڼ شمېر اوسیدونکي د برېښنا له ګټو څخه برخمن شي.

User account menu