د نهر کریم کانال د بیارغونې چارې ۷۰ سلنه پرمخ تللې دي
د لغمان د اوبو او انرژي رئيس محترم مولوي شیرجان راشدي او ورسره مل تخنیکي ټيم د لغمان ولایت د قرغه یې ولسوالي اړوند د نهر کریم کانال د بیارغونې د چارو له بهیر څخه څارنه وکړه او اړوندو مسؤلینو ته یې د چارو لا ښه کیفیت او چټکتیا په موخه اړینې لارښوونې وکړې.
د نوموړي کانال د بیارغونې چارې ۷۰ سلنه پرمخ تللې او د چارو په بشپړېدو سره به یې 5000 هکتاره کرنیزه ځمکه خړوبه شي.
د نوموړي کانال د بیارغونې چارې د اف. اي. او موسسې په مالي لګښت د لغمان د اوبو او انرژي ریاست تر څارنې لاندې پرمخ وړل کېږي.
