د نورستان ولایت د مرکز د برېښنا د وېش شبکې چارې ډېر ژر پيلیږی
د اوبو او انرژي وزارت د انرژي معینیت د کیفیت د کنټرول تخنیکي پلاوي نورستان ولایت ته د دغه ولایت د مرکز پارون د برېښنا د وېش شبکې د چمتو شوي تجهیزاتو او اجناسو د تثبیت او موجودي په موخه نوموړي ولایت ته سفر وکړ.
نوموړي پلاوي د نوموړې شبکې د تجهیزاتو او اجناسو تر تثبیت او موجودي وروسته، د نورستان ولایت د اوبو او انرژي له رئيس محترم محمد علي فاروقي سره د نورستان له والي محترم قاري زین العابدین سره وکتل او د نوموړې پروژې د تجهیزاتو او اجناسو د ساتنې په هکله بحث او د اندونو تبادله وکړه.
د نورستان والي په دغه لیدنه کې د نوموړې پروژې د تجهیزاتو او اجناسو د ساتنې په برخه کې د همکاري ژمنه وکړه.
ټاکل شوې ده، چې د نوموړې پروژې تطبیقي چارې ډېر ژر پیل شي.
