د پایدارې انرژي ریاست او د شهدا موسسې د مسؤلینو ترمنځ په درې ولایتونو کې د سولرونو او برېښنایې وسایلو د وېش هوکړه لیک لاسلیک شو
د اوبو او انرژي وزرات د پایدارې انرژي ریاست او د شهدا موسسې د مسؤلینو ترمنځ په بامیان، غزني او دایکندي ولایتونو کې د ۲۸۵ کورنیو لپاره د سولرونو او برېښنایې وسایلو د وېش هوکړه لیک لاسلیک شو.
ټاکل شوې ده ، چې د دغه هوکړه لیک پر بنسټ په بامیان ولایت کې د ۱۱۴ کورنیو، په غزني ولایت کې د ۸۶ کورنیو او په دایکندي ولایت کې د ۸۵ کورنیو لپاره د سولرونو او برېښنایې وسایلو د وېش پروژه ډېر ژر پیل شي.
د یادونې وړه ده، دغه پروژه د اوبو او انرژي وزارت د پایدارې انرژي ریاست د مسؤلینو تر څارنې لاندې پرمخ وړل کېږي.
