د پنج آموسیندیزې عمومي حوزې اړوند ولایتونو کې د UNDP دفتر د ۲۰۰ زره آمریکایي ډالرو په ارزښت د پروژو چارې پيلوي
د پنج آموسیندیزې عمومي حوزې رئيس ښاغلي انجنیر رفیع الله مجتبي نن د خپل کار په دفتر کې د UNDP دفتر د شمال ختیځ زون له استازي سره وکتل.
په یاده ناسته کې، د نوموړي دفتر استازي وویل، په پام کې لري چې په نږدې راتلونکي کې د" آبادي" تر نامه لاندې د پنج آمو سیندیزې عمومي حوزې اړوند ولایتونو( کندز، بغلان، تخار، بدخشان او بامیان) کې د ۲۰۰زره آمریکایي ډالرو په ارزښت د کانالونو پاکوالي، چکډمونو، ګبیون کاري او استنادي دیوالونو پروژو چارې پیل کړي.
په ورته وخت کې، د پنج آموسیندیزې عمومي حوزې رئيس د یاد دفتر استازي ته د دې حوزې اړوند ولایتونو کې د بیړنیو او نیمګړو پروژو په هکله هر اړخیز معلومات وړاندې کړل.
د یادې ناستې په پای کې دواړو لورو یو بل ته د هر اړخیزو همکاریو ډاډ ور کړ.
د یادولو وړ ده، هره پروژه چې د UNDP دفتر پلی کوي ارزښت به یې تر ۲۰۰ زره آمریکایي ډالرو پوري وي.
همدارنګه د پنج آمو سیندیزې عمومي حوزې رئيس وویل چې په نږدې ورځو کې به د UN دفتر له رئيس سره هم لیدنه ترسره کړي.
