د پنج آمو سیندیزې حوزې عمومي رئيس د بامیان سیندیزې فرعي حوزې له ریاست څخه لیدنه وکړه
د پنج آمو سیندیزې حوزې عمومي رئيس الحاج مولوي عبدالحکیم حاجي حکمت او ورسره مل تخنیکي ټیم د بامیان سیندیزې فرعي حوزې له ریاست څخه لیدنه وکړه او د بامیان سیندیزې فرعي حوزې له کارکوونکو، د اوبو ټولنو له رئیسانو او میرابانو سره ددوی د ستونزو د اوریدو په موخه، په داسي حال کې چې د بامیان ولایت والي الحاج مولوي عبدالله سرحدي او په یاد ولایت کې د اف، اې، او مؤسسې رئیس محمد صدیق نظري شتون درلود غونډه ترسره کړه.
په دغه غونډه کې د بامیان سیندیزې فرعي حوزې رئیس حاجي مولوي داوود علي د نوموړې حوزې د فعالیتونو، لاسته راوړنو او شته ستونزو په هکله معلومات وړاندې کړل.
