د پکتيا سينديزې فرعي حوزې او د کورني پلټنې رياستونو مسؤلینو ترمنځ د همغږي ناسته ترسره شوه
د پکتيا سينديزې فرعي حوزې رئیس ښاغلي مولوي محمد کریم فاتح او د یاد رياست اړونده څانګو مسؤلینو د کورني پلټنې رياست څخه راغلي پلټونکي پلاوي سره د ١٤٠٠ لمریز کال د پلټنې ترسره کولو په اړه د همغږي ناسته ترسره کړه.
په یاده ناسته کې د راغلي پلاوي په استازیتوب مولوي عيد محمد جامي خبرې وکړې او یې ویل "د يوې سالمې او روڼې ادارې درلودلو لپاره باید ترسره شوېو کړنو پلټنه او ارزونه ترسره شي، ترڅو د کړنو مثبت او منفي اړخ وڅېړل شي".
د پکتیا سينديزې فرعي حوزې رئیس د پلټنې رياست راغلي پلاوي ته په دې برخه کې د هر راز همکاري او همغږي ډاډ ورکړ.
