د پکتيا سينديزې فرعي حوزې رئیس د زرمت ولسوالي له قومي مشرانو سره غونډه ترسره کړه.
د پکتيا سينديزې فرعي حوزې رئیس مولوي محمد کریم فاتح د زرمت ولسوالي د پاينده ګي کلا، د مکاوې دولت زيو او کوتي خيلو قومي مشرانو سره غونډه وکړه او د هغوى ستونزې يې واورېدې.
قومي مشرانو په خپلو سيمو کې د اوبو په اوسني وضعیت، له هغوى څخه په ګټه اخيستو او د شته اوبيزو تاسيساتو په اړتياوو باندې خبرې اترې وکړې.
هغوى د ولسونو ستونزې د سیندیزې فرعي حوزې له رئيس سره شريکې کړې، د تخريب شويو اوبيزو تاسيساتو د ترميم او د سربندونو، کانالونو او د اوبو ذخيروي بندونو په اساسي ډول جوړيدو غوښتنې يې وکړې.
ښاغلي فاتح د يادو قومي مشرانو ستونزې او غوښتنې پر ځاى وبللې او د حل په موخه يې ډاډ ورکړ. نوموړي قومي مشرانو ته په خپلو خبرو کې وويل، "ستاسو ستونزو او غوښتنو ته تر يو حده رسيدنه شوې، چې د يادو پروژو لومړنۍ تخنیکي سروې ترسره شوې، نورې اړوند چارې يې تر کار او پوښښ لاندې دي او په نيږدې راتلونکي کې به يې عملأ چاريې پيل شي."
