د پکتيا سينديزې فرعي حوزې رياست سلاکار د یوې رسمي غونډې په ترڅ کې کارکوونکو ته وروپيژندل شو.
د پکتيا سينديزې فرعي حوزې رئيس ښاغلي مولوي محمد کریم فاتح د یوې رسمي غونډې په ترڅ کې د یاد ریاست نوي سلاکار ښاغلى انجنير نجيب اللّٰه توتاخېل د رياست کارکوونکو ته وروپيژانده.
د پکتیا سیندیزې فرعي حوزې رئيس نوي ګمارل شوي سلاکار ته د دندې مبارکي ورکړه او په دغه مسؤلیت کې یې ورته د بریالیتوب دعا، او د توفیق غوښتنه وکړه.
ښاغلي انجنير نجيب اللّٰه توتاخېل د ا.ا.ا له لوړ مقام څخه مننه وکړه، چې پر دۀ يې باور کړى او د مسؤليت اخيستو وړ يې بللى دى.
هغه په خپلو خبرو کې پر خپل مسلک، کاري تجربي او مخينې رڼا واچوله؛ د چارو په ښه او ګټور ډول ترسره کولو کې يې ځان ژمن وبالۀ.
