د کابل او ننګرهار اوسېدونکو ته د خوښي خبر..
د نغلو د ۱۰ میګاواټه لمریزې برېښنا پروژه به ډېر ژر ګټې اخیستنې ته وسپارل شي
دغه پروژه د افغانستان د اسلامي امارت په واکمني کې د لمریزې برېښنا د ۱۰ میګاواټه په وړتیا لومړنۍ پروژه ده، چې د عوفي بهرام خصوصي شرکت په پانګونې سره د اوبو او انرژي وزارت له لوري پلي شوې ده.
همدارنګه دغه پروژه او د دوو نورو پروژو په ګډون لکه د زابل ولایت د عمري بند او د پکتیکا ولایت د پلتوني بند د هغو پروژو له ډلې څخه دي، چې له پيل څخه تر پایه پورې یعني د مطالعاتو، سروې، ډیزاین او دانۍ ټولې چارې د افغاني انجنیرانو له لوري پلي شوې دي.
عمومي شبکې ته د دغې پروژې د ۱۰ میګاواټه برېښنا په نښلولو سره به په کابل او ننګرهار کې زمونږ د هېوادوالو ۱۰ زره کورنۍ د برېښنا له نعمت څخه برخمني شي.
