د کابل ولایت په خاکجبار ولسوالي کې د اوبو د غوره مدیریت او د اوبو سرچینو د پیاوړتیا پروژې چارې د څه باندې ۳۸ میلیونه افغانیو په ارزښت پيل شوې
د کابل ولایت په خاکجبار ولسوالي کې د اوبو د غوره مدیریت،د اوبو سرچینو د پیاوړتیا او د باران اوبو د راټولولو په موخه د څلور سترو خاروینو حوضونو، د یو سلو اتیا وړو خاورینو حوضونو، د ۴۰۰ متره په اوږدوالي سره د خورد کابل کانال دوه طرفه پخه سنګ کاري ، د قفس کلي حوض بیارغونه او د چینار په کلي کې د ۶۸۰ دانې ترسونو پروژې چارې د ۳۸۶۷۴۴۴۶ افغانیو په ارزښت پیل شوې.
د یادې پروژې چارې د اوبو او انرژي وزارت تر څارنې لاندې د خوړو نړیوال سازمان(WFP) په مالي لګښت د Shelter for life موسسې له خوا پلي کېږي.
همدارنګه په یاده پروژه کې د ملنګ، چلاب، باغکي کلا، د زندان کلا د کاریزونو پاکاري او د خورد کابل چینو پاکاري هم شامله ده.
د یادولو وړ ده، چې د یادې پروژې چارې به د روان زیږدیز کال د نومبر په ۱۵ نېټې به ګټې اخیستنې ته وسپارل شي.
