د کابل ښار په سویل ختیځو سیمو کې د ځمکې لاندې اوبو د تغذیې لپاره د څو تغذیوي حوضچو د جوړولو لپاره ځایونه په نښه شول
د کابل سیندیزې حوزې عمومي رئيس محترم انجنیر حبیب الرحمن حقپال، د ځمکې لاندې اوبو رئيس محترم انجنیر عزیزالرحمن عزیز او د کابل سیندیزې حوزې تخنیکي سلاکار محترم روح الله مایار په دوغ آباد سیمه کې د ځمکې لاندې اوبو د تغذیې لپاره د څو حوضچو د جوړولو لپاره ځایونه په نښه کړل او په نېږدې راتلونکې کې به یې عملي چارې پيل شي.
همدارنګه یادو مسؤلینو په یاده ساحه کې له هغو کانالونو څخه چې له کابل سیند څخه دارالمان او شپږمې ناحیې اړوند کرنیزو ځمکو ته اوبه لېږدوي، لیدنه وکړه .
