د کاپیسا ولایت د باغدرې برېښنا بند د تخنیکي مطالعاتو چارو د پرمختګ راپور په یوه ناسته کې وړاندې شو
دغه ناسته د اوبو او انرژي وزارت د انرژي معین محترم الحاج ملا عبدالهادي یعقوب تر رهبري لاندې د دغه معینیت د یو شمېر رئيسانو او تخنیکي مسؤلینو او د چینایي ام، جې، اې، ام شرکت د مسؤلینو په شتون کې ترسره شوه.
په دغه ناسته کې، د نوموړي شرکت مسؤلینو د باغدرې برېښنا بند د جیوفزیک او جیوتخنیک مطالعاتو چارو د پرمختګ او څرنګوالي راپور د انرژي محترم معین حضور ته وړاندې کړ.
د انرژي محترم معین د نوموړي بند د چارو پرمختګ د راپور تر اورېدولو وروسته، اړوندو مسؤلینو ته د چارو د چټکتیا په موخه اړینې لارښوونې وکړې.
د یادونې وړ ده، چې د نوموړې پروژې د راپور ورکونې ناستې په اونیزه توګه د انرژي په معینیت کې ترسره کېږي.
