د FAO دفتر د اوبو په سکتور کې ۴۵ پروژې په شمال ختیځ زون کې پلي کوي
د پنج آمو سیندیزې حوزې عمومي رئيس ښاغلي انجنیر رفیع الله مجتبی په افغانستان کې د FAO د دفتر له عمومي رئيس ښاغلي ریچارد او مل پلاوي سره وکتل او په شمال ختیځ زون کې یې د یاد دفتر د پروژو د پلي کېدو په هکله بحث او د نظر تبادله وکړه.
په یاده لیدنه کې، د یاد دفتر رئيس څرګنده کړه، په پام کې لري چې په شمال ختیځ زون کې د کانالونو د بیارغونې او واټر شیټونو په برخه کې ۴۵ پروژې په بغلان، کندز،تخار او بدخشان ولایتونو کې پلي کړي.
په ورته وخت کې، د پنج آمو سیندیزې حوزې عمومي رئيس د یاد دفتر له عمومي رئیس سره د هر راز همکاري ژمنه وکړه.
