سمنګان ولایت کې د رباطک د اوبو ذخیره کولو کوچني بند پروژه د څه باندې دوه نیم میلیونه افغانیو په ارزښت بشپړه او ګټې اخیستنې ته وسپارل شوه
د سمنګان ولایت په مرکز ایبک کې د رباطک د اوبو ذخیره کولو کوچني بند پروژه د دوه میلیونه،پنځه سوه څلور څلوېښت زره، شپږ سوه او شپېته (۲،۵۴۴،۶۶۰) افغانیو په ارزښت بشپړه او ګټې اخیستنې ته وسپارل شوه.
د اوبو ذخیره کولو دغه کوچنی بند د اوبو او انرژي وزارت په مالي لګښت د یوه داخلي شرکت له لوري د ځمکې لاندې اوبو د پياوړتیا، د موسمې سیلابونو د کنټرول او د چاپیریال د ښکلا په موخه جوړ او ګټې اخیستنې ته وسپارل شو.
