سمنګان ولایت کې د څلورو چکډمونو چارې د څه باندې اته نیم میلیونه افغانیو په ارزښت پيل شوې
د سمنګان ولایت په مرکز او په حضرت سلطان، خرم و سارباغ او روی دو آب ولسوالیو کې د کوکجر، ده اصل، دره بابا او دره بچه چکډمونو د جوړولو چارې د 8.6 میلیونه افغانیو په ارزښت د شمال سیندیزې حوزې عمومي رئيس محترم انجنیر رفیع الله مجتبی، د سمنګان سیندیزې فرعي حوزې رئيس محترم محمد عمر انس او د حضرت سلطان مرستیال ولسوال محترم مولوي عبدالله سمنګاني په شتون کې پيل شوې.
دغه چکډمونه په نوموړو ولسوالیو کې د سیلابونو د ویجاړیو د مخنیوي، د ځمکې لاندې اوبو د تغذیې او د باران اوبو د ذخیره کولو په موخه پلي کېږي.
د یادونې وړ ده، چې دغه پروژې په نوموړو ولسوالیو کې د اوبو او انرژي وزارت په مالي لګښت پلي کېږي.
