غزني ولایت کې د ملاخېلو کوچني ذخیروي بند چارې ۳۰ سلنه پرمخ تللې دي
د غزني د اوبو او انرژي ریاست مسؤلینو د دغه ولایت په واغظ ولسوالي کې د ملا خېلو کوچني ذخیروي بند د چارو له بهیر څخه څارنه وکړه او اړوندو مسؤلینو ته یې د چارو د غوره کیفیت او چټکتیا په موخه اړینې لارښوونې وکړې.
نوموړي بند د ۶۵ متره په اوږدوالي او ۶ متره لوړوالي سره جوړیږي، چې د چارو په بشپړېدو سره به یې ۵۰۰۰ متره مکعب اوبه زېرمه او د ملاخېلو کلي د کاریز په تغذیې، د چاپيریال په ښکلا او سیلابونو په کنټرول کې مثبت رول ولوبوي.
د نوموړي پروژې چارې د اوبو او انرژي وزارت په مالي لګښت د غزني د اوبو او انرژي ریاست تر څارنې لاندې پرمخ وړل کېږي.
