غزني ولایت کې د میر موسی زاورخان شیرداغ خاورین بند چارې ۳۵ سلنه بشپړې شوې دي
د غزني د اوبو او انرژي ریاست مسؤلینو د غزني ولایت په مالستان ولسوالي کې د شیرداغ سیمې د میر موسی زاورخان خاورین بند د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
دغه خاورین بند د 1.6 میلیون متر مکعب اوبو د زېرمه کولو په وړتیا جوړیږي، چې د چارو په بشپړېدو سره به یې د ځمکې لاندې اوبه تغذیه شي.
د نوموړي بند چارې چې د ۳۰ میلیونه افغانیو په لګښت د سیمي د خلکو په مالي ملاتړ د غزني د اوبو او انرژي ریاست تر څارنې لاندې پرمخ وړل کېږي، تر اوسه پورې ۳۵ سلنه بشپړې شوې دي.
