فاریاب ولایت کې د دوو کانالونو د جوړولو او پاکاري چارې ۵۵ او ۹۰ سلنه پرمخ تللې دي
د فاریاب ولایت د اوبو او انرژي ریاست مسؤولینو د دغه ولایت په دولت آباد ولسوالي کې د قریش او قوزي بای قلعې کانالونو د جوړولو او پاکاري چارو له بهیر څخه څارنه وکړه او اړوندو مسؤولینو ته یې د چارو د غوره پرمخ وړلو په موخه اړینې لارښوونې وکړې.
د نوموړو کانالونو چارې د اېف، اې، او مؤسسې په مالي مرستې د ۱۱ زرو او ۵۵۰ آمریکايي ډالرو په ټولیز لګښت د فاریاب ولایت د اوبو او انرژي ریاست تر څارنې لاندې پرمخ وړل کېږي، چې تر اوسه د قوزی بای قلعې کانال چارې ۵۵ سلنه او د قریش کانال ۹۰ سلنه پرمخ تللې دي.
د یادولو وړ ده چې د دغو کانالونو د چارو په بشپړېدو سره به په زیاته اندازه کرنیزې ځمکې خړوبې شي.
