فاریاب ولایت کې د سرحوض بند اوبه د کرنیزو ځمکو د خړوبولو په موخه خوشې کېږي
د فاریاب ولایت د اوبو او انرژي رئيس محترم مولوي محي الدین مبارز د دغه ولایت له میر آبانو سره وکتل او د کرنیزو ځمکو د خړوبولو په موخه د اوبو کموالي ستونزې د هوارولو په هکله خبرې، اترې وکړې.
په دغه لیدنه کې، ښاغلي مبارز اړوندو مسؤلینو ته لارښوونه وکړه، چې د سرحوض بند اوبه دې له میر آبانو سره په همغږي د کرنیزو ځمکو د خړوبولو په موخه خوشې کړي، ترڅو د کروندګرو ستونزې هوارې او اړتیاوې پوره شي.
