لغمان ولايت کې دشهيدانو کانال ليننګ او دمحافظتي دېوال د جوړېد چارې د نېږدې 30 زره آمريکايي ډالرو په ارښت پيل شوې
د لغمان ولايت په قرغيو ولسوالي کې دشهيدانو کانال ليننګ او دمحافظتي دېوال دجوړېدو چارې د نهه وېشت زره،دوه سوه او پنځه اويا(29275) آمريکايي ډالرو په ارښت د لغمان سينديزې فرعي حوزې رئيس محترم مولوي شيرجان راشدي، دقرغيو ولسوال محترم مولوي نورالهادي صارم سعيد او يو شمېر قومي مشرانو په شتون کې پيل شوې
نوموړى کانال چې 1320 متره اوږدوالى لري، چارې به يې د څلورو مياشتو په موده کې بشپړې شي او دوه سوه جريبه کرنيزه ځمکه به خړوبه شي
د يادې پروژې چارې د يو ان ډې پي په مالي ملاتړ د لغمان سينديزې فرعي حوزې په همکاري پرمخ وړل کېږي
