لغمان ولایت کې د نهر کریم کانال پروژه ګټه اخیستنې ته وسپارل شوه.
لغمان ولایت کې د نهر کریم کانال پروژه نن د یو لړ مراسمو په ترڅ کې د لغمان ولایت د اوبو او انرژي د رئيس مولوي شېرجان، د کرنې او مالداري رئيس عبدالستار او د ايف،اې، او مؤسسې آسیایي مسؤل ښاغلي ولید حسن، قومي مشرانو او د سیمې اوسېدونکو په شتون کې ګټې اخسیتنې ته وسپارل شوه.
محترم راشدي د خپلو خبرو په ترڅ کې له ایف، اې، او مؤسسې څخه د مننې ترڅنګ، د یاد کانال سربند له جوړېدو څخه خوښي وښوده، او خلکو ته ئې د یاد کانال د تخنیکي مشخصاتو، ټولنیزو او اقتصادي ګټو په هکله معلومات وړاندې کړل.
د ایف، اې، او مؤسسې آسیايي څانګې مسؤل ښاعلي ولید حسن هم پخپل وار سره د یادې پروژې له بشپړېدو څخه خوښي وښوده.
د نهر کریم کانال د لغمان ولایت په قرغه يي ولسوالي کې موقعیت لري، د ۱۸.۸ کیلومتره په اوږدوالي سره ۵۰۰۰ هکتاره ځمکه خړوبوي چې چارې یې د پنځه دېرش میلیونه افغانیو په لګښت د لغمان د اوبو او انرژي ریاست تر څارنې لاندې، د ایف، اې، او مؤسسې په مالي مرسته د یوه کال په موده کې بشپړې شوې.
