پروان ولایت کې د ځمکې لاندې اوبو د ګټې اخیستنې د څرنګوالي څارنه وشوه

د غوربند- چاریکار سیندیزې فرعي حوزې مسؤلینو د پروان ولایت په بګرام ولسوالي کې د ځمکې لاندې اوبو د غوره تنظیم په موخه د اوبو د ګټې اخیستنې د څرنګوالي څارنه وکړه او ګټې اخیستونکو ته یې د اوبو د غوره تنظیم او سمې ګټې اخیستنې په پار اړینې سپارښتنې وکړې.

همدارنګه د نوموړې حوزې مسؤلینو په هغه ولسوالي کې د څو کړیو خپل سرو څاه ګانو د کېندلو مخنیوی وکړ.