په بغلان ولایت کې د اجمیر کانال د پاک کاري پروژې چارې د نژدې اتلس (18) میلیونه افغانیو په ارزښت پرانیستل شوې
د بغلان ولایت په پلخمري ولسوالي کې د اجمیر کانال د پاک کاري پروژې چارې د نژدې اتلس (18) میلیونه افغانیو په ارزښت د بغلان سیندیزې فرعي حوزې، ولایت مقام، امنیه قومانداني او د اطلاعاتو او فرهنګ ریاست د استازو په شتون کې پرانیستل شوې.
یاده پروژه د بغلان سیندیزې فرعي حوزې سره په همغږي د برېښنا شرکت په مالي ملاتړ د پنځه (5) کیلومتره په اوږدوالې ترسره کېږي چې د پلخمري برېښنا د دوهم بند وړتیا به 9 میګاواټو ته لوړ او زرګونه جریبه کرنیزه ځمکه به خړوبه شې.
