په تخار او زابل ولایتونو کې د اوبو مدیریت پروژو په اړه لیدنه
د اوبو د چارو د تنظیم ملي ادارې لوی رئيس ښاغلي انجنیر خان محمد تکل په خپل کاري دفتر کې په سیاسي چارو کې د جمهور رئيس ارشد سلاکار الحاج محمد داود ګلزار او د تخار ولایت یو شمېر قومي مشرانو او ځوانانو سره وکتل.
په دغه لیدنه کې په تخار ولایت کې د اوبو د چارو د تنظیم ملي ادارې پراختیاي پروژو په ځانګړي ډول: بندونو جوړولو، د کانالونو بیارغونې او سیندغاړو تحکیماتو په اړه خبرې او د نظرونو تبادله وشوه.
په دغه لیدنه کې د اوبو د چارو د تنظیم ملي ادارې لوی رئيس ښاغلي انجنیر خان محمد تکل په تخار ولایت کې د اوبو مدیریت پراختیاي پروژو د پلي کېدو ډاډ ورکړ او زیاته یې کړه: "د اوبو مدیریت پراختیاي پروژو د پلي کولو په برخه کې به د تخار ولایت د خلکو ستونزو ته پاملرنه کیږي."
د اوبو د چارو د تنظیم ملي اداره
