په خوست ولایت کې د دوه میلیون او یو سلو اویا زره افغانیو(2170000) په ارزښت د شیخ زاید نمبر 3 چکډم د جوړولو پروژې د بنسټ ډبره کیښودل شوه
د نوموړې پروژې د بنسټ ډبره د خوست مرستیال والي مولوي محبوب شاه قانت، د خوست شمل خرم سیندیزې فرعي حوزې رئیس مولوي عبدالقیوم ثابت، د شیخ زاید پوهنتون رئیس مولوي مسلمین راشد، د اقتصاد رئیس قاري اختر محمد عکرمه او یو شمیر نورو سمیه ییزو مسئولینو په شتون کې کیښودل شوه.
د یادونې وړ ده، چې نوموړی چکډم 28 متره اوږدوالی، 5.7 متره لوړوالی او 3.5 متره په تهداب او 60 سانتي متره په سر کې سور لري، چې د دوه میلیون او یو سلو اویا زره افغانیو(2170000) په ارزښت د اوبو او انرژي وزارت په مالي لګښت د څلورو میاشتو په موده کې پلي کیږي، چې پکې ګڼ شمیر هېوادوالو ته د کار زمینه چمتو کیږي او د ځمکې لاندې اوبو په تغذیې او د سیلابونو په مخنیوي کې به رغنده رول ولري.
