په خوست ولایت کې د څلورو چکډمونو پروژو د چارو له بهیر څخه څارنه وشوه

د خوست شمل خرم سیندیزې فرعی حوزې رئیس مولوي عبدالقیوم ثابت او ورسره مل تخنیکي ټیم د شیخ زاید ۳ نمبر چکډم پروژې د چارو له بهیر څخه څارنه وکړه او د چارو د غوره ترسره کولو په موخه یې اړوندو مسئولینو ته اړینې سپارښتنې وکړې.

همدارنګه د نوموړې حوزې تخنیکي ټیم او د پلټنې عالي ادارې پلاوي په ځاځي میدان ولسوالي کې د الګادې چکډم، په باک ولسوالي کې د غونډ میلې چکډم او په صبریو ولسوالي کې د څپري چکډم د چارو له بهیر څخه څارنه وکړه.

د یادونې وړ ده، چې د شیخ زاید ۳ نمبر چکډم چارې 80 سلنه، د الګادې چکډم چارې 70 سلنه، د څپري چکډم چارې 60 سلنه او د غونډ میلې چکډم چارې 10 سلنه بشپړې شوې دي.