په غزني ولایت کې د دریو اوبو ذخیروي بندونو تخنیکي سروې ترسره شوه
د غزني ولایت د سیندیزې فرعي حوزې تخنیکي مسؤلینو د هغه ولایت د جاغوري او قره باغ ولسوالیو په دهن تبرغنک، زردالو او زرسنګ کلیو کې د ملا چراغ، زردالو او زرسنګ د اوبو ذخیروي بندونو تخنیکي سروې ترسره کړه.
همدارنګه یاد تخنیکي ټیم د قره باغ او جاغوري ولسوالیو کې د سنګجوی لومان او همدیلي تمکي د اوبو د ذخیروي بندونو د چارو له بهیر څخه څارنه ترسره کړه او دپروژې مسؤلینو ته یې د چارو د غوره پرمخ وړلو په پار لازم هدایات ورکړل.
د سنګجوی لومان د اوبو ذخیروي بند د ۳ میلیونه متر مکعب اوبو د ذخیره کولو او د همدیلي تمکي بند د ۲.۵ میلیونه متر مکعب اوبو د ذخیره کولو وړتیا لري.
