په لوګر ولایت کې د انرژي ولایتي کمېټې د همغږۍ نوبتي ناسته ترسره شوه
دغه ناسته د لوګر مرستیال والي الحاج مولوي محمد انور دین پرور په مشرۍ، د لوګر ولایت د اوبو او انرژي رئيس ملا محمد اسماعیل آخندزاده، د دغه ولایت د برېښنا رئیس مولوي محمد فهیم منصور، د کلیو د پراختیا او بیارغونې رئيس شیخ محمد قاسم راشد او د انرژي ولایتي کمېټې غړو په شتون کې ترسره شوه.
د لوګر مرستیال والي د برېښنا د ارزښت په اړه په تفصیل سره خبرې وکړې او زیاته یې کړه چې موږ ټول په خپلو دندو کې د خدای ج او ولس په وړاندې مسؤولیت لرو او د نوموړې کميټې له غړو څخه یې وغوښتل چې خپلې دندې په پوره ریښتینولي، آمانت دارۍ او په پوره همغږي سره ترسره کړي.
د نوموړې کمېټې غړو په خپل وار سره د غونډې د اجنډا سره سم د انرژي په ارزښت، اهمیت او ښه مدیریت باندې خبرې وکړې او د انرژي اړوند یې خپل نظرونه او وړاندیزونه وړاندې کړل.
