په لوګر ولایت کې د کوچنۍ اوبیزې برېښنا پروژې سروې ترسره شوه
د لوګر او پکتیا سیندیزو فرعي حوزو ګډ تخنیکي ټیم د اوبو او انرژي سرپرست وزیر محترم ملا عبداللطیف منصور د لارښوونې پر بنسټ، د لوګر ولایت د چرخ ولسوالي د مولانا یعقوب چرخي د کوچنۍ اوبیزې برېښنا پروژې سروې ترسره کړه.
د یادونې وړ ده، چې یاده پروژه د ۶۰۰ کیلو واټه برېښنا د تولید وړتیا لري، چې د چارو په بشپړېدو سره به یې د چرخ ولسوالي خلک له برېښنا څخه برخمن شي.
