په نیمروز ولایت کې د لشکري کانال د لایروبي پروژه د څه باندې څوارلس میلیونه افغانیو په ارزښت پیل شوه
په نیمروز ولایت کې د لشکري کانال د لایروبي پروژه د څوارلس میلیونه او دوه سوه زره(۱۴۲۰۰۰۰۰ ) افغانیو په ارزښت د لاندني هلمند سیندیزې فرعي حوزې رئيس ښاغلي مولوي سید محمد ولي آغا، د نیمروز د اطلاعاتو او کلتور رئيس ښاغلي حبیب الله الهام او یو شمېر نورو سمیه ییزو مسؤلینو په شتون کې پیل شوه.
د لاندني هلمند سیندیزې فرعي حوزې رئيس د یادې پروژې په پرانیست غونډه کې د دې پروژې د اهمیت په هکله خبرې وکړې.
ټاکل شوې ده چې یاده پروژه په دوو فازونو کې د ۲۵ ورځو په موده کې بشپړه شي او بودجه یې د افغانستان اسلامي امارت له خوا ورکول کېږي.
