په پروان ولایت کې د دریو پروژو تخنکي سروې ترسره شوه
د غوربند- چاریکار سیندیزې فرعي حوزې مسؤلینو د قمچاق درې د پائین آب کانال سربند، د سیاه ګرد ولسوالي د تنګي درې د تحکیماتو دیوال او په شیخ علي ولسوالي کې د پاواز چکډم پروژو سروې ترسره کړه.
د پائین آب کانال د ۳۰۰ هکتاره کرنیزې ځمکې د خړوبولو وړتیا او د تنګي درې د تحکیماتو ديوال چې ۵۰۰ متره اوږدوالی لري د سیلابونو د شوني ویجاړیو څخه مخنیوی کوي او همدارنګه د پاواز چکډم د ۳۵۰۰ متره مکعب اوبو د ذخیره کولو وړتیا لري.
ټاکل شوې ده چې یادې پروژې د ۱۴۰۲ لمریز کال په تطبیقي پلان کې شامل شي.
