په پکتیا ولایت کې د څه باندې ۵زره جریبه کرنیزو ځمکو د اوبو لګونه په څاڅکي اوبو لګولو بدل شوی دی
۱۴۴۷/۱۲/۲۳ هـ ق مطابق ۱۴۰۵/۳/۱۹ هـ ش
د پکتیا فرعي سیندیزې حوزې رئيس محترم ملا محمد اسماعیل آخندزاده، د ولایت مقام د دفتر رئيس محترم مولوي نورالله ممتاز، د اوبو لګولو او مالداري رئيس محترم مولوي سید امین هاشمي او ورسره مل یو شمېر نورو سیمهایزو مسؤلینو د پکتیا ولایت په مرکز، ګردیز، زرمت او روحاني بابا ولسوالیو کې له پلي شوي څاڅکي اوبو لګولو سیسټم څخه څارنه وکړه.
له دغه سیسټم څخه د څارنې او لیدنې پرمهال د اړوندو مسؤلینو له لوري کروندګرو او د سیمې اوسېدونکو ته د څاڅکي اوبو لګولو سیسټم اهمیت او ګټې په عملي توګه وښودل شوې او هغوی یې د یاد سیسټم د ترویج او پراختیا په موخه وهڅول.
د یادونې وړ ده، چې د دغه سیسټم په پلي کېدو سره د اوبو په لګښت کې د سپما ترڅنګ، په اوبو لګولو کې آسانتیا هم رامنځته شوې او د محصولاتو په کچه کې د پام وړ زیاتوالی راغلی دی.
