په پکتیکا ولایت کي د څلورو چکډیمونو د رغونې چارې په بشپړيدو دي، او په نږدي راتلونکي کی به ګټې اخیستنې ته وسپارل شي .
د نوموړي چکډیمونه چې د پکتیکا ولایت په یوسفخیل، سره حوضه، چهارباران او نعمت آباد ولسوالیو کې شتون لري د افغانستان اسلامي امارت د اوبو او انرژي وزارت له لوري یی چاري د ( 11777675.9 ) افغانیو بودیجی سره په مخ وړل شوي دي،نوموړې پروژې د پکتیکا ګومل سیندیزې فرعي حوزې د مسؤولینو تر څارنې لاندې بشپړېدو ته نژدې شوي، د یادوني وړ ده چی د نوموړو چکډیمونو په ګټې اخیستنې سره به تر 55 زره مترمکعب اوبه ذخيره او د اړونده سیمو اوسیدونکو د زېرزمیني اوسطحي اوبو مشکلات تر یوه حده حل کړي.
